義工呢的野好似話做就有得做咁
尋晚跑步跑到炮台山既時候
有個小朋友係美華氐附近喊得好緊要
睇佢細細個好似得三四歲
就走過去睇下佢係唔係整親
佢隻大眼仔"稍"到我行近佢
就喊得仲大聲的
我細細聲咁問佢做咩一個人呀
但因為氣喘關係
我講到好斷斷續續
佢就反而唔驚我
仲覺得好得意咁笑 (笑我!!!!!!)
作死佢丫

見佢笑返
我就整的古靈精怪既樣嚇下佢
我一直以為佢係男仔嘛
原來係個幾細膽既女仔
又搞喊返佢.........黎賤

我跑步咩都無帶
記得到既電話
有條件幫到我而我又唔怕麻煩到既人都寥寥無幾
係等小杰果20分鐘
小女孩都係唔多出聲
問佢想去邊就答我迪士尼樂園
海邊的風越吹越寒
但約實左小杰又唔無得改地點等
等到小杰黎到我已經病病地
個小女孩都係唔想講自己的事
我又唔想搜佢個袋
小杰突然間個高飛狗公仔出黎
小妹妹即刻笑逐顏開
正正式式講既第一句說話
就係我好肚餓.......
唯有帶佢去灣仔間24麥當勞食野
小妹妹果然識貨
成程都"che"實靚仔果個
買野食就叫我去買.........
好似我真係佢呀哥咁駛
小杰就不論仔定女都咁熟手
係講左好多校園生活之後
6歲既陳尉欣小妹妹除左連體重都寫左出黎比我地睇之外
仲寫埋屋企地址添thanks god
成點幾兩點鐘終於可以擺脫呀小妹妹既魔掌
成靚妹臨走淨係同小杰講byebye靚仔小杰哥哥
當我透明...........
仲要比小杰得得戚戚咁話我小器無愛心
我...真係無言......
你個friend都唔知係咪同你夾埋
見到一個跑步打扮既0靚仔
一個斯斯文文既靚仔再加個攬住隻公仔既小妹妹
話有溫馨既感覺
你快的教返岩佢正確既解釋呀
我都唔明你駛唔駛比埋隻公仔個衰妹
上埋契丫笨~~~
不過我都呃左你件外套~~hehe
唔該哂你
明知打比你你實幫我
但始終覺得好神奇
一次又一次咁延續我既希望
唉~~~可惜~~~~


wicky tsui你呢個人真係好討厭
面皮厚過防彈玻璃
夠膽搵我的friend過橋
你因住黎!!!!!!!!!!!!!!賤人
我真心向天立誓
我唔會再比你玩弄我僅餘的童真