勸人有說服力者
最成功莫過於以身作則
好處往往最具推動力
而過來人當然是最清楚
錯而未能改者但又能勸服別人
最基本都要大澈大悟
經歷過佇立所面對的痛苦
才有本事威嚇對象達至改變
眾所周知學無上止境
唯真正活到老學到老間
才知曉學習帶來的確切甜頭
深知學識不足所帶來的不便
就非學識不足者莫屬

根據觀察紀錄
不期然察覺到自己的說服力下降的趨勢
莫名其妙
可能近期圍繞的題目都是我自覺的弱點有關
要失戀的教育遲一星期失戀的十里內豈無芳草
要將失業的去勉勵已失業的努力搵工
要對前途如霧的指引畢業新生
仲………有無多的?
諗人地野反而倒勾起自己野
難怪尋日唔見電話都唔發矛
反而又搵得返
著緊唔著緊都不過如此

所以嘛
一口氣搞左兩個feedback幾好既functions
久違的鼓舞
因為我著緊而跟得足而成功
…原來我都仲識得著緊
玩到有埋evaluation form
都可能係我對dl既一種示威
要做
我係可以做得到做得好
就睇你駛唔駛得郁我
做到唯才是用用人不疑
有一排本來同正面同背脊無分別個頭好似s700i識180度轉既衰女大家有心病
打完場牌後就好似不愀不睬
仲覺得好似無咩可惜
過左斷時間大家無左件事就回復惜日既關係

而經過左呢段日子
發覺同佢係office真係唇寒齒亡
佢唔係office我個mail a/c收少10零廿封mail
離別在即
有的傷感

同部門有一個好可愛既同事
第一眼望完係唔會看穿佢成家立室到有個女
生完女仲咁高眺既身型
難為的未生過就成隻母豬既dl
對住佢難免自卑
相處差唔多3個月
因為工作範圍分開而無直接交流
要算我遞信前後先真正開始熟絡
佢同我大家真係守望相助
大家有野幫到對方既都會幫
背後有個人撐下既感覺
真係好一流
佢有一份細路女般的童真(尤其同dl對比)
做佢女女應該係咪應該好開心呢
做佢同事就一定會先

cyannie呢個位大師姐
份屬同門但佢既才華同成就係我用望遠鏡都望唔到
一個人自己run過一間公司
要叫我心服口服
尚早
專如電腦programming software到business上既operation procedure 語言急材
都令我拍案叫絕
短短一個月內我係佢身上學到既正路野一定比dl多
金鱗豈是池中物
你前程似錦之後一定要提攜我做你既social & welfare啦
你屋企比你既束縛令你變得短視
如果你有更多既時間去另覓良木而棲會更好

你地三個係我office返工時快樂既泉源
好希望大家仲有機會合作

近排有對小情人誕生左
希望佢地快快樂樂

收到UA張VIP咭
我依家擔心既係一個月四套戲唔夠我睇呢

近排好懶
的天氣比左好多藉口我自己
一見到自己半馬拉松overall 493時
1’41’04只能伙南亞籌得$150
開心完就憂心
僅僅有名同時間既証書當然令我開心
但同時憂慮往後的日子
如何再重拾唔返對跑步既熱誠
可能就唔再參加全馬
歲月不饒人
23歲就要有咁既體會
但我認為係熱誠所致
難得略有成就
我更唔會輕言放棄
只要我係泰拳同跑步間到平衡就應該無問題
回想比賽當日有咁多美景事
我下年都一定要繼續努力
小杰
唔駛多謝我份禮物
要你一早起身係終點等我等到個鼻紅哂
臭蹦蹦仲幫我做massage
專車接送
你就無謂借藉口又倒想約我食飯
你問到
我又點會唔奉陪 =)多謝你呀

beyond
我真係佩服得5體投地
02年林曉培之後就無企起身睇concert啦
當一隻隻比呀哥胎教既歌響起時
雙手就不能竭止
播放家驅生前的說話
很不知天高地厚大言不慚
越能彰顯出對音樂的熱誠
他那份幼氣深深打動了所有觀眾
家驅真的還在我心
成個concert一播有家驅時既歌的人就企
最後一連串beyond最為人熟悉既歌
更見萬人一致隨音樂揮手
隻精選cd同遲的個live cd都無唔買既藉口

<<鍋匠、裁縫、士兵、間諜>>
真係唔明點解搵到第二集榮譽學生同第三集
但係page one會同我講無賣過呢本書
好想睇呀
唔該哂你同你個朋友呀martin
估唔到chucky會嚇到你
唔好意思呀
無比你揀就要你睇呢埸戲
但我知佢一來真係笑片為主
二來…………有我陪你睇嘛
希望打機時真係無悶親你啦

執親屋都有思緒
有的悶人既感覺
快的比我放假
我好似已經等得好唔耐煩

小紅
好多謝你既留言
我知道出黎做野係有呢的問題
忍辱都要有重可負
但亦正如我咁講
呢份工於我黎講無咩前景可言
而dl佢承諾過會比機會我試既野
由請左pauline開始就明白係空口講白話
所以我先有咁既決定
唔係既話我都唔會捨得你地成班咁好玩既同事
多謝你
有咩幫到手一定要單聲
間間公司都會好歡迎你呢種咁盡責既職員

汪汪
要數我近排緊煩同
反而係好難約你
我明既
等你有時間先
我對上同今個比賽都用你比我條毛巾
好warm
好似有人係終點等我咁

Mr. No. 7
我真係對你唔住
咁都醒唔起你係邊個
知我既喜好工作甚至見過我(但你話我too thin就即係你未見過我著泳裝…唔…)
我有一晚為左諗你既身份
我走去list out我見過又有可疑既人
可惜都無個認
你真係令我百恩不得其解

我的文筆唔好
如果唔係我已經一心一意走去寫小說
有人話我的日遁太沉重
估唔到平時既我會有咁消沉既心底話
係咪太重所以沉得底而平時浮唔出黎比人睇
哈哈
另一位神秘人……….tigger

靚仔二寶
真係唔知你有睇呢
你成日都唔icq我
以為你見完之後唔想再傾添
你份工做成點呀

仲有無呀
有就話我知啦
多的人睇
我就會寫得密的架………….hehe~~~~

wicky
你媽咪叫我去你屋企拜年呀
又話上星期打唔到比你係咪我收埋左你
你返得黎未呀
仲有呀
打死你都唔好比佢地知我仲未搵到工呀
費事又逼我去你公司做