bep ~hong kong~

對上覺得正的演唱會，應該是周杰倫的，再對上是王菲(98果個呀下)。對於一年睇6、7個show來說，每十個concerts有一個滿意，算是不過不失罷了。無疑我很專重演唱會，會做左功課先去睇，唔想浪費大家時間，更加不想放過難得的時間地點人物氣氛。再者一係唔睇，比得錢我就唔會想係風涼水冷的山頂睇，因為我覺得很難得，才會有這麼多人陪自己一齊為支持的演出者而瘋狂，所以格外珍惜這些放縱的機會。Monkey business隻碟是我第一次接觸BEP，這兩個月才將他們的舊碟加入到iPod裡，根本無可能背得熟，一來booklet無歌詞，二來hip hop + funky的歌詞咁q難記，周杰倫的我都未記到啦。但既然他們難得會到香港，我都盡力去煲佢地的歌，不過到頭來都只係認得一半既歌，但係來佬野真係寧舍唔同，的氣氛正到呢...你鹵味，真係無得頂，will-i-am一句"hong~kong"玩足成晚而全場都仲覺得好過癮，fergie"jar"咪都仲可以唱住黎玩連環後手翻，chisin!每個人都好talented，總會有的野show到比你睇，話你知你點解要山長水遠走入去睇佢地。當晚亦係我第一次見到2R同fifi，仲有方大同，佢地都有去睇個show。我真係想知當呢幾位妹妹見到人地大波好身手唱歌好聽既時候，有無反醒過自己係度等緊咩。講返個show先，有好多時都唔知佢地講咩，但係永遠唔會錯過的say"xxxx"位。就算我係離台9丈遠都跳足全場。好運在我同beta身邊有的應該座$780既瘋狂份子，而唔係俾淡友包圍住，咁當然係無企位咁正啦，但係企位既飛係好難先得到嘛，更係會好的架，唔~~好徙先得嫁。總之成個concert由頭high到落屎眼呀，投入到飲枇杷蜜都秋梨唔到，成晚都仲funk緊之餘，事後仲即時上網搵的歌詞係度rap...癲燃左。摷返先知佢地原來同justin timberlake同埋jack johnson合作過，唔講jt，jack johnson"jar"吉他唱country嫁喎，tum到歐瑞強落搭去rap仲要係夾嫁，真係好勁。就係咁，我又鍾意左多一隊group啦。

BLOG THIS~

我以前好唔鍾意的人叫我update icq info，特別係寫到自己係天底下最惹人憐憫果批人。我有心自然會周之無日去update你個profile，無心既見到你死你賤都心如止水話9知你死，心情唔好仲可能問多句你唔死仲有咩更加好既選擇，我知到依家死既話多的優惠嫁，遲左就蝕啦。無錯我一向崇拜文字既力量，但唔認同呢種溝通既模式，好似大包圍咁，搏多的人理會自己，引人注意。喂﹗裸跑啦，反正你都係想人理你?。存在感唔係咁樣乞返黎嫁。所以我icq info長期警告人唔好叫我update，唔好自討苦吃。到後來發展到blog既時代，又有的人keep住問我有無睇佢個blog，同樣我好唔鍾意的人叫我睇佢個blog，特別係我早知你有寫開，而你仲要一個星期催我幾次叫我睇。我有心早就……不過我依家的生活真係同的friend好overlap唔到，加上各有各忙，唔通仲可以晚晚打電話開的搭線搭到"chi""燃"線既幾人會議咩。我個blog又真係有觀眾，好多時佢地都會因為睇過我個blog而打個電話關心下我。再者，我成日都會係internet識人，如果有個blog，確實方便由個blog去了解一個人，咁我都想人地關心下我嘛，所以整下整下，咪blog囉。但我既宗旨係無變，人同人溝通都係語言為主，blog係輔助，而且有得揀，我會揀用說話去同人交代自己近況。

我討厭既blog/blog host有幾種:
1. 睇哂成個blog我都搵唔到一樣野似個blog host，成個都好似騙局咁；<---like what i do
2.成日唔update既人；<---like what i do
3,成日話無lover好dry；<---like what i do
4.成日寫埋的無聊野；<---like what i do
5.日日都係度喊苦喊忽，冤天尤人。(唔關我事啦掛~~~)

都係果句，你唔叫我update你由自可，唔好比機會我鄙視你，以上既人勿叫叫我update你個blog。