我投降

唔知你覺得今日個沙律點呢？多左蝦係咪好食的？我覺得的蝦粉粉地，的青蘋果唔夠爽。係啦，你都唔buy青蘋果既，見你係咁落沙律醬，即係覺得一般。

咁究竟你覺得綠茶雪糕同個朱古力火鍋夾的，抑或係你根本鍾意食綠茶味雪糕先？的雪糕我買既，就梗係全部都鍾意食啦，尤其唔係成日有得食ben & jerry，佢隻cinnamon bun好正，而mint chocolate crunch入面有我去多倫多搵大嫂大佬既回憶。你乃保守派系中先入為主主義擁護者，睇你都唔會再恨去食ben & jerry啦。

今晚悶死你未呀？無講多過20個字呀。我知係我衰，你轉更都要你山長水遠一出一入咁搭2個鐘車，食餐一塌糊塗既私房菜，成檯人最熟怕且係luc仔陰公。但我想話你知，今晚同檯食飯既人，對我來講係生命中最重要的其中一班人，入面當然要有你啦。趁我去北京之前有時間，希望一次過見到我最想見既人，為你地準備能力範圍內的食物，好casual咁食下飯傾下計，快快樂樂咁過一晚。好多謝你無半句怨言咁黎左成全我，但無法令你融入其中去分享我的快樂，sorry。將我快樂建築係你痛苦之上。

往往我滿心期待能為你帶來快樂的活動，結果都無好結果，好似我既價值觀應用唔到你身上。好少男朋友會抗拒接觸我媽咪同融入我的圈子，更無幾人係我出盡法寶都逗唔到佢笑，好有挑戰性。我就黎要出動風火氣豬猴...定抑或凡事講清講楚，慳返假驚喜呢的花招仔呢？咁我整左成日係咪無謂既呢？我的心思備受嚴峻的考驗。

你話呢次拍拖同之前拍拖所做既事好唔同，其實係個投訴黎嫁？我後知後覺，對唔住。

可能對你黎講，今日的sweetest moment係陪你等車啦。

今天應該很高興

其實令我最高興的，莫過於看到你急速進步。你看我這個老柴在幾十秒上掙扎，而你那以分鐘做單位的落差閃爍著活力和未來。我知你尚未甘心，所以講些酸溜溜的話，you know how good I am in reading you and how poor you are in lying sweetie.而這就是你進步的原動力了。

誠然我亦不夠坦白，除了無心插柳下締造新記錄的驚喜之外(無錯係42'44')，最令我感到興奮的原因其實是因為有你跟我一齊跑呀。

關唔關對鞋事呢？如果真有其事這對鞋的壽命就剩下十分九了，但能夠替我爭取一個優異的成績，這三百元還是值得，紐約之行的意義亦變大了，babe或者你亦應該拿出冒險精神來，試一試這對新鞋了。有我在你又何需每一刻都小心奕奕呢？

7年前我應該會拿著這對鞋打問號，問有甚麼必要強調它能頂到100公里，7年後我在每個10k比賽前打問號，嚴重認真地考慮其重要性是否需要用上這對西施…紅顏呀…